Kuangalia status ya maombi yako ya kazi kupitia Ajira Portal ya Utumishi wa Umma nchini Tanzania ni hatua muhimu kwa waombaji walioomba nafasi za kazi, ikiwemo walimu. Mfumo huu unaruhusu waombaji kufuatilia maendeleo ya maombi yao kwa urahisi na kujua kama wamefanikiwa kufikia hatua za ziada kama vile usaili au mahojiano. Ili kuangalia application status, fuata hatua zifuatazo:
- Fungua Tovuti ya Ajira Portal
Kwanza, tembelea tovuti rasmi ya Ajira Portal kwa kutumia kivinjari cha mtandao kwa kuandika anwani hii: portal.ajira.go.tz. Hii ndiyo tovuti rasmi inayoendeshwa na Sekretarieti ya Ajira katika Utumishi wa Umma.
- Ingia (Login) kwenye Akaunti Yako
Baada ya kufungua tovuti, ingia kwenye akaunti yako kwa kubonyeza kitufe cha “Ingia” au “Login“ kilicho kwenye ukurasa wa mbele. Ingiza jina lako la mtumiaji (username) na nenosiri (password) ulilojisajili nalo ili kufikia akaunti yako binafsi.
- Angalia Application Status
Baada ya kuingia kwenye akaunti yako, nenda kwenye sehemu ya “Maombi Yangu” au “My Applications”. Hapa utapata orodha ya nafasi za ajira ulizoomba. Kila ajira itakuwa na hali ya maombi yako (application status) ambayo inaweza kuwa “Inapitiwa” (Under Review), “Kuitwa kwenye Usaili” (Called for Interview), au “Maombi Yamekataliwa” (Rejected). Hali hii inakuonyesha hatua ya mchakato wa maombi yako.
Kwa kufuatilia application status yako mara kwa mara, utaweza kujua iwapo umefanikiwa kufikia hatua za usaili au hatua nyingine za ajira, na hivyo kujipanga vizuri kwa hatua zinazofuata.
Bonyeza hapa kuona kama umeitwa kwenye usaili katika ajira za walimu, Afya, dereva, wapishi, watendaji wa kijiji au mtaa na nafasi zingine nyingi au tembelea tovuti ya sekretarieti ya Ajira PSRS.
