Ajira Portal ni mfumo rasmi unaotumiwa na Sekretarieti ya Ajira katika Utumishi wa Umma nchini Tanzania kwa ajili ya kutuma maombi ya kazi, hasa kwa nafasi za ajira za walimu na sekta nyingine za umma. Ili walimu waweze kuomba ajira, wanapaswa kwanza kulogin kwenye akaunti zao kupitia tovuti ya Ajira Portal. Hatua ya kwanza ni kufungua tovuti ya Ajira Portal kwa kuandika anwani ya tovuti (portal.ajira.go.tz) kwenye kivinjari cha intaneti. Kisha, bonyeza kitufe cha “Ingia” au “Login“, ambapo utahitajika kuingiza jina lako la mtumiaji (username) na nenosiri (password) ulilojisajili nalo.
Iwapo ni mara ya kwanza unajaribu kulogin, itakubidi ujisajili kwanza kwa kubonyeza kitufe cha “Jisajili” au “Sign Up“. Wakati wa usajili, utahitajika kujaza taarifa zako binafsi kama vile jina, namba ya simu, barua pepe, na taarifa za kitaaluma. Baada ya usajili kukamilika, utapokea ujumbe wa kuthibitisha kwenye barua pepe yako. Baada ya kuthibitisha akaunti yako, unaweza sasa kutumia jina la mtumiaji na nenosiri lako kuingia kwenye mfumo na kuanza kutuma maombi ya ajira kwa nafasi mbalimbali za walimu zinapotangazwa.
Baada ya kuingia kwenye akaunti yako ya Ajira Portal, unapaswa kuangalia matangazo ya ajira yanayohusiana na nafasi za walimu. Ili kutuma maombi, chagua tangazo la ajira linalokufaa, kisha fuata maelekezo ya kujaza fomu ya maombi mtandaoni. Hakikisha unaweka taarifa sahihi na kuambatanisha nyaraka muhimu kama vile vyeti vya kitaaluma. Mfumo huu wa Ajira Portal unarahisisha mchakato wa kuomba ajira, hivyo ni muhimu kwa walimu kuzingatia muda wa mwisho wa kutuma maombi na kuhakikisha wamejaza fomu kwa usahihi ili kuongeza nafasi za kufanikiwa.
Bonyeza hapa kujisajili au kulogin Ajira Portal Utumishi
